“Aztelekom” MMC bildirir ki, Sumqayıt Telekommunikasiya
Qovşağının rəisi Nəriman Salmanovun saxlanılması və ya həbs
olunması barəsində yayılan məlumatlar həqiqəti əks etdirmir.
Trend xəbər verir ki, bu “Aztelekom” MMC-nin rəsmi “Facebook”
səhifəsində yerləşdirilmiş paylaşımda qeyd olunur.
Bildirilir ki, hazırda audit planına uyğun olaraq “Aztelekom”
MMC-nin Daxili audit şöbəsi tərəfindən Sumqayıt TKQ də daxil
olmaqla müxtəlif tabeli qurumlarda audit yoxlamaları aparılır.