Son sutka ərzində Şİmali Koreyada azı 100 710 nəfərdə qızdırma
əlamətləri aşkarlanıb, aprelin sonundan koronavirusun yayılması
fonunda belə halların ümumi sayı 3,55 milyonu ötüb.
Trend “Yonhap”
agentliyinə istinadla xəbər verir ki, qızdırması olan xəstələrin
3,36 milyon nəfəri sağalıb, 188 mini müalicəsini davam etdirir.
Ölənlərin sayı son sutkada bir nəfər artaraq 70-ə çatıb.
Bundan əlavə, bazar günündən etibarən Pxenyanda karantin qismən
aradan qaldırılıb, bir sıra dövlət qurumları və orqanları
fəaliyyətini bərpa ediblər.