UEFA Konfrans Liqasının pley-off mərhələsində “Qarabağ” və
Fransanın “Marsel” klubları arasında keçiriləcək cavab oyununun
biletlərinin satışı dayandırılıb.
AzerTimes-ın
məlumatına görə, bu barədə Ağdam klubunun mətbuat xidməti
bildirib.
Bildirilib ki, sabah – fevralın 21-i saat 11:00-dan biletlər
yenidən satışda olacaq.
Fevralın 24-də Tofiq Bəhramov adına Respublika stadionunda
keçiriləcək oyuna COVID-19 pandemiyası ilə əlaqədar stadion
tutumunun 50 faizi qədər azarkeş buraxılacaq.
Qeyd edək ki, görüş saat 21:45-də başlanacaq.