2021-ci ildə Beynəlxalq Qızıl Xaç Komitəsi (BQXK) tərəfindən
90-cı illərdə müharibə nəticəsində itkin düşmüş 316 nəfərin
ailəsindən insan qalıqlarının gələcək identifikasiyalarına şərait
yaratmaq məqsədilə 793 bioloji istinad nümunəsi götürülüb.
AzerTimes-ın məlumatına görə, bu barədə Beynəlxalq Qızıl Xaç
komitəsinin ötən ilki fəaliyyəti ilə bağlı keçirilən tədbirdə qeyd
edilib.
Bildirilib ki, BQXK-nın neytral vasitəçi qismində iştirakı ilə
2020-ci ildə döyüşlərin getdiyi ərazilərdə insan qalıqların
axtarışı və götürülməsi məqsədilə 346 əməliyyat aparılıb.
Həmçinin, 347 itkin ailəsinə psixoloji-sosial dəstək verilib,
258 itkin ailəsinə maliyyə yardımı edilib.