NATO-nun baş katibi Yens Stoltenberq koronavirusa yoluxub.
Trend xəbər verir ki, bu barədə NATO-nun nümayəndəsi Oana
Lungesku özünün “Twitter” səhifəsində yazıb.
“NATO-nun baş katibi Yens Stoltenberqin COVID-19 testinin
nəticəsi müsbət çıxıb”, – deyə O.Lungesku bildirib.
Onun sözlərinə görə, Y.Stoltenberq xəstəliyi yüngül formada
keçirir və məsafədən işini davam etdirəcək.
NATO-nun nümayəndəsi əlavə edib ki, Y.Stoltenberq koronavirusa
qarşı tam peyvənd olunub.