İsrail Hərbi Hava Qüvvələri Qəzza zolağındakı hədəfləri vuraraq
silah istehsalı üzrə zavodu məhv edib.
AzerTimes-ın məlumatına görə, bu barədə İsrail ordu sosial şəbəkədə
bildirib.
“Qəzzadan İsrailə atılan raketlərə cavab olaraq, biz indicə
Qəzzada silah istehsal edən obyektə zərbə endirdik”, – deyə qeyd
olunub.
Qeyd edək ki, bundan əvvəl Qəzza zolağından İsrailin cənubuna
raketlər atılıb.
İsrail ordusu Qəzzadan atılan raketlərdən biri “Dəmir Qübbə”
raketdən müdafiə sistemi tərəfindən dəf edildiyini bildirib.