Bakı Nəqliyyat Agentliyinin yeni əsasnaməsi hazırlanır.
AzerTimes-ın məlumatına görə, bunu informasiya agentliklərinə
açıqlamasında Bakı Şəhər İcra Hakimiyyətinin başçısı Eldar Əzizov
deyib.
E.Əzizov qeyd edib ki, Nazirlər Kabineti o əsasnaməni təsdiq
edəndən sonra ictimaiyyətə təqdim olunacaq.
Qeyd edək ki, fevralın 7-də Prezident İlham Əliyevin “Bakı
şəhərinin inzibati ərazisində nəqliyyat sahəsində idarəetmənin
təkmilləşdirilməsi haqqında” imzaladığı fərmana əsasən Bakı
Nəqliyyat Agentliyi publik hüquqi şəxs statusu ilə Bakı Şəhər İcra
Hakimiyyəti başçısının tabeliyinə verilib.