Xaçmaz şəhərində avtomobil piyadanı vuraraq öldürüb.
AzerTimes-ın Report-a istinadən məlumatına görə, hadisə Xaçmaz-Quba yolunun 1-ci km-də baş verib.
Belə ki, avtomobil rayonun Çinartala kənd sakini Vəlibəyov Arif Daşdəmir oğlunu vurub. Nəticədə piyada hadisə yerindəcə keçinib.
Onun meyiti Məhkəmə Tibb Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Hadisəni törədərək ərazidən uzaqlaşan sürücünün kimliyi araşdırılır.