Rusiyanın Uqledar istiqamətində hücum əməliyyatlarını bərpa etməsi təcavüzkarın yaz-yay hərbi kampaniyasına hazırlığının başlanğıcıdır.
AzerTimes xəbər verir ki, bunu Ukrayna Ali Radasının Müdafiə Komitəsinin katibi Roman Kostenko bildirib.
“Düşmən ümidini itirməyib və hələ də bütün Sol sahili, ilk növbədə Donetsk və Luqansk vilayətlərini ələ keçirmək planları var. Ona görə də hər şeyi edəcəklər: texnologiyaları var, personalı var, ona görə də davam edəcəklər. Digər ərazilərdə də, o cümlədən Zaporojyedə, məncə, onların əks-hücumlarını görəcəyik”, – Kostenko qeyd edib.