Məşhur amerikalı aktyor Karl Uezers 76 yaşında vəfat edib.
AzerTimes xəbər verir ki, bu barədə aktyorun ailəsi açıqlama yayıb.
“Karl Uezersin vəfatı bizi dərindən kədərləndirdi. O, 1 fevral 2024-cü il vəfat etdi. Karl qeyri-adi həyat sürən müstəsna bir insan idi. Kino, televiziyaya verdiyi töhfələrlə incəsənətdə, idmanda silinməz iz buraxdı və bütün dünyada tanındı, – açıqlamada bildirilib.
Qeyd edək ki, o, 75-dən çox film və teleşouya çəkilib. Daha çox Silvester Stallone ilə birlikdə çəkildiyi ilk dörd “Rokki” filmindəki Apollon Kred rolu ilə tanınır. Karl Uezers həmçinin “Yırtıcı” filmində də rol alıb.