Qeyri-infeksion xəstəliklər son illərdə bütün ölkələrdə və o
cümlədən Azərbaycanda ən çox xəstələnmə, ölüm və əlilliklə
nəticələnən xəstəlikdir.
Trend xəbər verir ki, bunu Kardiologiya Cəmiyyətinin sədri
Üzeyir Rəhimov bu gün Səhiyyə Nazirliyi İctimai Səhiyyə və
İslahatlar Mərkəzində (İSİM) keçirilən mətbuat konfransında
bildirib
“Amma bu xəstəliklərin qarşısı almaq mümkündür. Qeyri infeksion
xəstəliklərin inkişafına təsir göstərən risk amillərini aradan
qaldırmaqla və sağlam davranışı formalaşdırmaqla onların yükünü
azaltmaq olar”, – deyə o əlavə edib.