Xəbər - Orxan Nəbiyev – Trend:
Qazaxıstan müdafiə nazirinin birinci müavini, Baş Qərargah rəisi Murat Bektanov yeni müdafiə naziri təyin olunub.
AzerTimes-ın məlumatına görə, bu barədə ölkə prezidenti Kasım-Jomart Tokayev müvafiq fərman imzalayıb.
Qeyd edək ki, bu gün səhər saatlarında Nurlan Yermekbayev Jambıl vilayətindəki hərbi hissədə baş vermiş partlayışla əlaqədar istefa vermişdi.
Xatırladaq ki, hərbi hissənin silah anbarında baş vermiş partlayış və yanğın nəticəsində 15 nəfər həlak olub, 100-ə yaxın şəxs yaralanıb. Bir nəfərin isə itkin düşdüyü bildirilib.