Ukraynadakı münaqişə uzun müddət uzana bilər. Lakin bu, danışıqlar masasında bitəcək.
AzerTimes xəbər verir ki, bu sözləri NATO-nun Baş katibi Yens Stoltenberq deyib.
“Biz Rusiyanı kiçik hesab etməməliyik. Rusiya uzun müharibə planlaşdırır. Biz anlamalıyıq ki, prezident Putin uzun müddət bu müharibədə olmağa və yeni hücumlar etməyə hazırdır.
Bundan tez bir zamanda xilas olmağın yolu hərbi dəstək verməkdir. Ona görə ki, prezident Putin başa düşsün ki, o qalib gəlməyi bacarmayacaq. Ancaq oturub vicdanla danışıqlar aparmalıdır”, – o bildirib.
Stoltenberqin fikrincə, Ukraynadakı münaqişə yalnız danışıqlar masasında bitəcək. Ancaq bununla bağlı istənilən qərar suveren dövlət kimi Ukraynanın qələbəsini təmin etməlidir.