Amerikanın Pfizer şirkəti Paxlovid koronavirus preparatının müvəqqəti qeydiyyat şəhadətnaməsinin alınması üçün Avropa Dərman Agentliyinə (EMA) müraciət edib.
Trend xəbər verir ki, bu barədə Agentliyin saytında yerləşdirilmiş məlumatda bildirilir.
Qeyd olunur ki, EMA artıq Paxlovid-lə bağlı müraciətə baxır. Dərman xəstəliyin ağır formasına keçmə riski yüksək olan 12 yaşdan yuxarı yeniyetmələr və böyüklərdə yüngül və orta gedişatlı koronavirus infeksiyasına yoluxmanın müalicəsi üçün nəzərdə tutulub.
Paxlovid, beş gün ərzində gündə iki dəfə birlikdə qəbul edilməli olan iki növ həb formasında istehsal olunur. Sınaqların ikinci mərhələsindən sonra əldə edilən məlumatlara görə, bu dərman koronavirusa yoluxduqdan sonra xəstəxanaya yerləşdirmə və ya ölüm riskini 89% azaldır.