Xəbər verdiyimiz kimi, türkiyəli məşhur müğənni Özcan Dəniz sentyabrda Azərbaycana gələcək.
AzerTimes xəbər verir ki, o, 16 sentyabrda Bakı Konqres Mərkəzində konsert proqramı ilə çıxış edəcək. Konsert saat 20:00-da başlayacaq və 22:00-a qədər davam edəcəyi gözlənilir.
Biletlərin qiymətinə gəlincə, yerlərdən asılı olaraq 40 manatdan başlayır və 450 manata qədər qalxır.
Hazırda 40 manatlıq biletlərin hamısı satılıb, yalnız 55 manatlıq biletlərdən bəziləri qalır. O cümlədən ön sıralar üçün 450 manatlıq biletlərin də 4-5 yer istisna olmaqla, hamısı satılıb qurtarıb.
Qeyd edək ki, Özcan Dəniz sonuncu dəfə Bakıda 9 il öncə konsert verib.