Litva və Polşa hərbçiləri Suvalski dəhlizi bölgəsində NATO müttəfiqlərinin iştirakı ilə hərbi təlimlər keçirir.
AzerTimes xəbər verir ki, bu barədə Litva ordusunun komandanlığı məlumat yayıb.
Təlimlərdə motoatıcı briqadanın və müttəfiq bölmələrinin 1500 əsgəri, həmçinin 200-ə yaxın hərbi texnika iştirak edir. Aprelin 26-dək davam edəcək təlimlərə ABŞ və Portuqaliya hərbçiləri də qatılıb.
Suvalski dəhlizi Rusiyanın Kalininqrad vilayəti və Belarusun Qrodno vilayəti ilə həmsərhəd olan Litva və Polşa arasında sərhədin 64 km-lik hissəsidir.