Daha bir restoran karantin qaydalarını pozduğu üçün 4000 manat cərimə olunub.
DİN-in Mətbuat Xidmətinin Lənkəran regional qrupundan AzerTimes-a verilən məlumata görə, Cəlilabad Rayon Polis Şöbəsinin əməkdaşlarının keçirdikləri müvafiq tədbirlərlə rayon ərazisində təşkil olunan toy mərasimləri zamanı karantin rejimindən irəli gələn qayda və tələblərin pozulması halları müəyyən edilib. Belə ki, aparılan yoxlamalar zamanı Cəlilabad şəhəri ərazisində yerləşən “Sara Xatun” restoranında təşkil edilən toy mərasimində iştirak edən qonaqların müəyyən edilmiş say həddindən çox olması halı aşkarlanıb. Həmin restoranın icarədarı İnzibati Xətalar Məcəlləsinin müvafiq maddəsinə əsasən 4000 manat cərimə olunub.
Karantin rejim qaydalarından irəli gələn tələblərinin icra olunmasına nəzarət məqsədilə keçirilən tədbirlər nəticəsində Cəlilabad rayonunun Alar kəndində fərdi yaşayış evlərindən birinin həyətində təşkil edilən toy zamanı da iştirak edən qonaqların müəyyən edilmiş say həddindən çox olduğu aşkarlanıb. Həmin məclisin təşkilatçısı E.Abışov İnzibati Xətalar Məcəlləsinin müvafiq maddəsinə əsasən barəsində inzibati protokol tərtib edilməklə cərimə olunub