Bu gün İsrail parlamentinə (Knesset) növbədənkənar seçkilər keçirilir.
AzerTimes xəbər verir ki, səsvermə yerli vaxtla səhər saat 7:00-da başlayıb və axşam saat 22:00-da başa çatacaq.
İsrail Mərkəzi Seçki Komissiyasının məlumatına görə, 6.78 milyon seçici var.
Seçkinin nəticələrinə əsasən 25-ci çağırış parlamentinin tərkibi müəyyənləşəcək, daha sonra hökumət koalisiyasının yaradılması proseduruna başlanacaq. Əgər prosedur uğurlu olarsa, yeni hökumət və baş nazir and içəcək.
Qeyd edək ki, bu, 2019-cu ilin aprelin 9-dan bəri İsraildə sayca 5-ci parlament seçkisidir.