İsrail hərbçiləri ölkənin şimal hissəsinin atəşə tutulmasına cavab olaraq Livanın ərazisinə yeni zərbələr endiriblər.
AzerTimes xəbər verir ki, bu barədə İsrail ordusunun mətbuat xidməti məlumat yayıb.
Məlumata əsasən, gün ərzində İsrailin şimalındakı Ştula və Rexes-Ramim yaşayış məntəqələri istiqamətində ən azı 3 tank əleyhinə raket atışı qeydə alınıb.
“İsrail ordusu təhlükəni aradan qaldırmaq üçün buraxılış mənbələrinə, eləcə də Livandakı əlavə ərazilərə zərbələr endirib”, – deyə bildirilib.