Azərbaycan Ordusunun birləşmə və hissələrində nümunəvi xidməti
ilə fərqlənən bir qrup hərbi qulluqçu “Gizirlərin zabit
vəzifələrinə hazırlığı kursu”nun qəbul imtahanlarına cəlb
olunub.
Müdafiə Nazirliyindən AzerTimes-a
verilən məlumata görə, fiziki hazırlıq və nəzəri sınaq
imtahanlarında yüksək nəticələr əldə edən namizədlər kursa qəbul
olunacaqlar.
Kursu müvəffəqiyyətlə başa vuranlara “kiçik leytenant” hərbi
rütbəsi verilməklə ixtisaslarına uyğun zabit vəzifələrində
xidmətlərini davam etdirəcəklər.