Formula 1 üzrə dünya çempionatında Çin Qran-Prisinə yekun vurulub.
AzerTimes xəbər verir ki, Şanxay avtodromunda Maks Ferstappen finiş xəttini birinci keçib.
“Red Bull” pilotu 5-ci yarışda 4-cü dəfə fəxri kürsünün ən yüksək pilləsində yer alıb. Niderlandlı sürücü “Maklaren”dən Lando Norris və komanda yoldaşı Serxio Peres qabaqlayıb.
Bu qələbədən sonra Ferstappen 110 xalla sürücülər yarışına başçılıq edir. Serxio Peresin 85, Şarl Leklerin 76 xalı var.
Qeyd edək ki, dünya çempionatının növbəti mərhələsi mayən 5-də Mayamidə baş tutacaq.