Boliviyanın mərkəzində sərnişin avtobusun dərəyə düşməsi nəticəsində ən azı 18 nəfər ölüb.
Trend TASS-a istinadən xəbər verir ki, bu barədə ölkənin Nəqliyyat departamentinin rəhbəri Karlos Espinosa bildirib.
“Faciə nəticəsində, ilk məlumatlara görə, 18 nəfər ölüb. Yanğınsöndürənlər və polis hadisə yerində işləyir” – Espinosa deyib.
Ölkənin paytaxtı Sukreya gedən avtobus 150 metr hündürlükdən düşüb. İlkin məlumatlara əsasən, qəzaya səbəb sürücünün səhvi olub.
Xəsarət alanlar xəstəxanalara çatdırılıb. Ölənlərin sayının artması istisna edilmir.