Ötən gün Azərbaycandan Rusiyaya yumurta göndərilib.
Bunu AzerTimes-a açıqlamasında Azərbaycan Quş əti, Yumurta İstehsalçıları və İxracatçıları Assosiyası İctimai Birliyinin sədri Mürvət Həsənli deyib.
“Ötən gün 720 min ədəd yumurta dolu iki yük maşını Rusiyaya yola salınıb. Bu gün daha iki maşın – yenə 720 min ədəd yumurta göndəriləcək”, – Həsənli bildirib.
Qeyd edək ki, Rusiyada bir müddətdir yumurta qıtlığı yaşanır. Rusiya kənd təsərrüfatı naziri Dmitri Patruşev Azərbaycandan bu həftənin əvvəlində artıq yumurta idxalı başlayacağını bildirmişdi.