Son aylarda ABŞ Ukraynaya hava əvəzinə dəniz yolu ilə silah tədarükünü genişləndirib.
AzerTimes xəbər verir ki, bu barədə “Vaşinqton Post” nəşri məlumat yayıb.
“Hava tədarükü daha səmərəli olsa da, dəniz nəqliyyatı ilə böyük həcmdə yüklərin daşınması Kiyevə silah ehtiyatı yaratmaq imkanı verir. Dəniz yolu ilə silahların tədarükü Rusiyanın Ukraynaya hücumunun başlamasından bir neçə həftə sonra başlayıb, lakin yazda Vaşinqton Kiyevi haubitsalar və daimi sursat təchizatı tələb edən digər ağır silahlarla təmin etməyə başlayanda əhəmiyyətli dərəcədə genişlənib”, – məlumatda bildirilib.