Zəngəzur dəhlizi Ermənistan iqtisadiyyatı üçün Prezident İlham Əliyev tərəfindən verilən son şansdır.
Trend-in məlumatına görə, bunu Trend BİA-nın baş redaktoru Emin Əliyev CBC telekanalının “Xüsusilə şənbə günü” verilişinin efirində deyib.
“Erməni cəmiyyətini Qaregin Njde və onun kimi digər personajlarla məşğul olduqları dərin ağrılı vəziyyətdən sağaltmaq lazımdır. Məhz iqtisadiyyat belə bir müalicə sahəsi ola bilər, çünki əslində Azərbaycan və Türkiyə ilə münasibətlərin normallaşdırılması, Zəngəzur dəhlizinin açılması Ermənistanda iqtisadi vəziyyəti yaxşılaşdırmaq üçün son şansdır”, – deyə E.Əliyev bildirib.
Onun sözlərinə görə, kommunikasiyaların açılması, Ermənistan-Türkiyə, Ermənistan-Azərbaycan iqtisadi-ticarət əlaqələrinin qurulmasının ardınca mütləq müsbət effekt olacaq.
“Ermənistan-Rusiya əlaqələri də bura daxildir, çünki bu yolla Ermənistan Azərbaycan ərazisindən Rusiya bazarlarına çıxış əldə edəcək”, – deyə E.Əliyev bildirib.
Trend BİA-nın baş redaktoru qeyd edib ki, Ermənistanın iqtisadi vəziyyətinin yaxşılaşması onun əhalisinin gündəlik həyatının yaxşılaşması deməkdir.
“Boş soyuducu və qəzəbli təbliğat əvəzinə münasibətlərin normallaşmasına və 30 ildir gözlərini “mozol” edən o boş soyuducunun doldurulmasına nail olacaqları bu effekt erməni cəmiyyətinin regional izolyasiyaya, blokadaya və hazırkı tamamilə parçalanmış vəziyyətə salan həmin sindromlardan və miflərdən müalicəsinə gətirib çıxara bilər. Prezident İlham Əliyev Zəngəzur dəhlizinin Ermənistanın indiki və gələcək nəsili üçün normal həyat şansı olduğunu bildirərək, bunu dəfələrlə vurğulayıb”, – deyə E.Əliyev bildirib.
Verilişin tam versiyası ilə aşağıdakı videodan tanış olmaq olar: