Ukraynanın ona qarşı sanksiya tətbiq etməsini şərh edən jurnalist Pavel Zarubin Vladimir Zelenskinin Vladimir Putinin 2019-cu ildə sülh çağırışına reaksiyasının əks olunduğu videonu yayıb.
AzerTimes xəbər verir ki, o, bu barədə Teleqram kanalında paylaşım edib.
“Zelenski ilə bağlı bir şəxsi yaddaşım var. Bu kadrları 2019-cu ildə Parisdə özüm mobil telefonla çəkmişəm. Zelenski Minsk razılaşmaları və sülh çağırışları ilə bağlı sözləri eşidəndə belə davranırdı”, – videonun şərhində deyilir.
Qeyd edək ki, daha əvvəl “Rossiya 1” kanalında “Moskva. Kreml. Putin” verilişində yayımlanan kadrlarda Ukrayna liderinin Vladimir Putinin Minsk razılaşmalarının məzmunu ilə bağlı çıxışı fonunda necə kinayə ilə gülümsəməsi və üzünü necə turşutması göstərilir.