Rusiya Xarici İşlər Nazirliyinin sözçüsü Mariya Zaxarova Ağ Ev nümayəndəsi Co Kirbinin amerikalılara Rusiyanı tərk etmək çağırışına zarafatyana şəkildə cavab verib.
AzerTimes xəbər verir ki, XİN sözçüsü bu barədə Teleqramda yazıb.
“Mənə elə gəlir ki, Con amerikalılar sözünün əvvəlində “casusluqla məşğul olanlar”ı əlavə etməyi unudub. Ola bilsin sətrlər arasında deyilib”, – deyə Zaxarova qeyd edib.
Qeyd edək ki, bundan öncə ABŞ Dövlət katibi Entoni Blinken vətəndaşlarına təcili Rusiyanı tərk etməsi yönündə çağırış edib, ardınca Con Kirbi departamentin bəyanatını yenidən təkrarlayıb.