Ukrayna Silahlı Qüvvələrinin Ali Baş Komandanı Valeri Zalujnı ABŞ-ın Birləşmiş Qərargah Rəisləri Komitəsinin sədri Mark Milli ilə telefon danışığı aparıb.
AzerTimes xəbər verir ki, bu barədə Ukrayna mediası məlumat yayıb.
Qeyd olunub ki, Zalujnı Milliyə Ukraynanın ilk növbədə quru və hava məkanında əməliyyat və strateji vəziyyətdəki dəyişikliklər barədə məlumat verib.
O bildirib ki, Svatovo-Kremennaya xəttində, eləcə də Lisiçansk istiqamətində şiddətli döyüşlər gedir. Ən çətin vəziyyət Soledar-Baxmut-Mayorsk cəbhəsində qalır. Orada düşmən əslində cəsədləri üzərində irəliləməyə çalışır, lakin Müdafiə Qüvvələrinin bölmələri çətinliklə olsa da, düşmənin hücumunu dayandırır.