Xəbər - Humay Ağacanova – Trend:
Bəzi insanlar koronovirusa yoluxduğu zaman onu simptomsuz və ya yüngül keçirir. Bu səbəbdən özünütəcrid etmir və nəticə etibarilə yoluxma sayında artım müşahidə olunur.
Trend xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib.
O qeyd edib ki, “omikron” ştammının gizlin dövrü 3-4 gün, nadir hallarda 5 gün çəkə bilər.
“Buna görə də karantin müddəti 7 günə qısaldıldı. Hətta bəzi ölkələrdə karantin müddəti 5 günə qədər azaldılıb. Əlamətlərdə də fərqlilik var. Yuxarı tənəffüs yollarının zədələnməsi mövsümi xəstəliklərin simptomları ilə oxşarlıq təşkil edir”, – deyə o əlavə edib.