Qlobal istiləşmə Arktikada yeni marşrutlar açır, həm də regionu Rusiya da daxil olmaqla potensial münaqişə mərkəzinə çevirir.
AzerTimes xəbər verir ki, bunu ABŞ senatoru Anqus Kinq deyib.
“Aralıq dənizi ətrafındakı ölkələr arasında münasibətləri müəyyən etmək üçün min ildən artıqdır ki, müharibələr gedir. Sual ondan ibarətdir ki, biz Arktikanı açıb münaqişədən qaça bilərik. Bəzi hesablamalara görə, Arktika buzunun 75%-i yoxa çıxıb. Üstəlik, hesab edilir ki, yaxın 12 ildə Şimal qütbünün buzla örtülməyəcəyi yay dövrləri ola bilər. Bütün bu əlavə yer yeni nəqliyyat marşrutları və azaldılmış nəqliyyat müddətləri deməkdir. Bəzi nəqliyyat marşrutlarının 15 gün qısaldığını görə bilərik. Bu, böyük iqtisadi üstünlükdür. Ancaq unutmayın ki, Arktika sahillərinin yarısından çoxu Rusiyaya məxsusdur”,- o bildirib.
Kinq Arktikada Rusiya ilə ABŞ arasında münaqişənin mümkünlüyünü bildirib:
“Bu region Amerikanın xarici siyasəti və milli təhlükəsizliyi üçün kritik əhəmiyyətə malikdir”.