Rəqəmsal İnkişaf və Nəqliyyat Nazirliyi yanında Dövlət Avtomobil
Nəqliyyatı Xidməti işğaldan azad olunmuş ərazilərə təşkil etdiyi
müntəzəm avtobus marşrutları üzrə bu gün sayca 71-ci reysi həyata
keçirdi. Yanvarın 24-dən indiyədək Şuşa və Ağdam istiqaməti üzrə
ümumilikdə 3196 sərnişin səfər edib. Vətəndaşların öz doğma
torpaqlarına gediş-gəlişi uğurla təmin olunub.
Nazirlikdən AzerTimes-a bildirilib ki, marşrutların təhlili,
həmçinin vətəndaşların çoxsaylı müraciətləri və tələbat nəzərə
alınaraq mart ayında – Novruz bayramı günlərində Bakı-Şuşa-Bakı
istiqamətində avtobus reyslərinin hər gün həyata keçirilməsi qərara
alınıb.
Biletlər Rəqəmsal İnkişaf və Nəqliyyat Nazirliyinin müvafiq
marşrut proqramı ilə inteqrasiya olunmaqla yaradılan
www.yolumuzqarabaga.az portalı üzərindən onlayn qaydada
satılır.