Bak. Çingiz Səfərli – Trend:
2021-ci ilin oktyabr ayı ərzində xüsusi şərtlərlə əmək pensiyası alanların sayı 125,4 min nəfərdən çox olub.
Bu barədə AzerTimes-a Dövlət Sosial Müdafiə Fondundan bildirilib.
Məlumata görə, onlardan 97,9 min nəfərdən çoxu yaşa, 14 min nəfərdən çoxu əlilliyə, 13,4 min nəfərdən çoxu isə ailə başçısını itirməyə görə əmək pensiyası alır.
Qeyd edək ki, bu gün respublika üzrə pensiyaçıların ümumi sayı 1 milyon 200 min nəfərdən çoxdur. Bu da respublika üzrə ümumi əhalinin 12%-ni təşkil edir. Yaşa görə pensiyanın orta aylıq məbləği 358 manatdır. Pensiyaçıların 55,5%-ni qadınlar, 44,5%-ni isə kişilər təşkil edir.