Azərbaycanın veteran futbolçusu Qəhrəman Əliyev vəfat edib.
AzerTimes xəbər verir ki, bir müddət öncə insult keçirən 63 yaşlı veteran komadan ayımayıb.
Qeyd edək ki, Qəhrəman Əliyev 11 avqust 1959-cu ildə Masallıda doğulub. O, ən böyük nailiyyətlərini yerli “Viləş” və “Şəmkir” komandalarında əldə edib. “Viləş”ə bürünc medal qazandırmış mütəxəssis “Şəmkir”lə çempion olmağı bacarıb.
O, həm də Azərbaycan Premyer Liqasında 381 oyunla ən çox oyun keçirmiş baş məşqçi isi.
Q.Əliyev 1983- 1985-ci illərdə “Neftçi”nin formasını geyinib. Əliyev “Avtomobilçi” (Bakı) (1976-1981), “SKA Xabarovsk” (1981-1983), “Gənclik” (Bakı) (1985-1986), “Avtomobilçi” (Mingəçevir) (1986-1987) klublarının da heyətində çıxış edib.
Allah rəhmət eləsin!