Ukraynaya hərbi dəstəyin azaldılması ilə bağlı mediada yayılan məlumatlar doğru deyil.
AzerTimes xəbər verir ki, bunu Almaniya kansleri Olaf Şolts deyib.
Rusiyanın hücumunun ilk günlərdən Almaniya Ukrayna ordusunu silah və sursatla təmin edir:
“Əlimizdə olan hər şeyi verdik: tank əleyhinə raketlər, zenit sistemləri, minalar, silahlar, tonlarla sursat. Sonra biz daha mürəkkəb və bahalı sistemlərə keçdik. Özüyeriyən haubitsalar, çoxsaylı buraxılış raket, zenit sistemləri, batareya əleyhinə radarlar. Bu sistemlərin bəziləri o qədər yenidir ki, çox az sayda istehsal edilib, bəziləri isə heç Bundesverə belə təqdim olunmayıb”.