Rusiya Qazaxıstandan Ukraynanın pilotsuz təyyarələrinin hücumları nəticəsində yarana biləcək çatışmazlıq və tədarükün kəsilməsi halında ona 100 min ton benzin tədarük etməyə hazır olmasını xahiş edib.
AzerTimes xəbər verir ki, bu barədə “Röyters” 3 mənbəyə istinadla məlumat yayıb.
Mənbələrdən biri bildirib ki, Qazaxıstan ehtiyatlarının Rusiya üçün istifadəsinə dair artıq razılaşma var.
Agentlik yazıb ki, Belarus artıq Rusiyaya benzin təchizatında kömək etməyə hazır olduğunu bildirib.
Qeyd edək ki, ilin əvvəlindən Ukrayna pilotsuz təyyarələrinin Rusiya neft emalı zavodlarına və neft bazalarına hücumlarının intensivliyi artıb. Bir neçə gün öncə isə Uraldakı Orsk neft emalı zavodu Qazaxıstanı da əhatə edən geniş daşqın səbəbindən hasilatı dayandırıb.