Kiyev artilleriyasını Donetsk istiqamətinə, Artemovska bitişik yaşayış məntəqələrinə çəkir.
AzerTimes xəbər verir ki, bu sözləri Donbas separatçılarının nümayəndəsi Andrey Maroçko deyib.
“Minkovka, Markovo və Çasov Yar yaşayış məntəqələrinin ərazilərinə müxtəlif artilleriya sistemləri gətirilib. Həmçinin, bölgədə yedəkli haubitsalar, özüyeriyən və raket artilleriyaları aşkar edilib”, – Maroçko qeyd edib.
Onun sözlərinə görə, Ukrayna qoşunları bu istiqamətdə həm sovet istehsalı, həm də NATO ölkələrinin artilleriya sistemlərini yerləşdirir.