Türkiyə ordusu PKK terrorçularına qarşı hərbi əməliyyat keçirmək planları çərçivəsində S-400 hava hücumundan müdafiə sistemlərini İraqla sərhəddə yerləşdirə bilər.
AzerTimes xəbər verir ki, bu barədə “Türkiyə” qəzeti məlumat yayıb.
“Türkiyə silahlı qüvvələrinin və logistika hissələrinin yerləşdirilməsi prosesi qismən başlayıb. Bayram tətilindən sonra S-400-lərin də sərhəd boyu yerləşdiriləcəyi gözlənilir. Xüsusilə İraq Kürdüstanı üzərindən PKK-ya verilən PUA texnologiyası və bununla bağlı kamikadze hücumları əməliyyat planında xüsusi əhəmiyyət verilən mövzulardır. İran və Fransa ilə yanaşı, bəzi Şərqi Avropa ölkələri və Hindistan terror təşkilatının raket və hava hücumu vasitələri ilə təchizatında fəal rol oynayır”, – nəşr bildirib.