AB Moskvaya qarşı ən sərt sanksiyalarda boşluq olduğu üçün Rusiyadan neft almağa davam edir.
AzerTimes xəbər verir ki, bu barədə “İndependent” qəzeti məlumat yayıb.
“Enerji və Təmiz Hava Tədqiqatları Mərkəzi (CREA) yeni hesabatında Rusiya neftini AB-yə ixrac edən, alışlarını artıran beş ölkəni müəyyənləşdirib: Çin, Hindistan, Türkiyə, Birləşmiş Ərəb Əmirlikləri və Sinqapur.
Müharibə başlayandan bəri AB, G7 ölkələri və Avstraliyaya idxal edilən Rusiya yanacağının ümumi məbləği 42 milyard avro təşkil edib. Yuxarıda adları çəkilən dövlətlər Qərb ölkələri üçün neftin qiymətini 80% artırıb, Çin isə tədarükləri 93% artıran Rusiya neftinin idxalında mütləq lider olub”, – məqalədə bildirilib.