Donald Tramp noyabrda ABŞ-da keçiriləcək prezident seçkilərində qalib gələcəyi təqdirdə Avropa Birliyinə (AB) qarşı cəzalandırıcı ticarət tədbirləri görəcək.
AzerTimes xəbər verir ki, bu barədə “Blumberq” Trampın tərədarlarına istinadla məlumat yayıb.
“Tramp AB ölkələrini ABŞ-ın maraqlarına uyğun hərəkət etməyə məcbur etmək üçün ticarət və tariflərdən danışıqlar taktikası kimi istifadə edir. Siz bunu NATO ilə gördünüz. Çox şey Avropanın ABŞ məhsullarına tarifləri azaltmaq üçün atacağı addımlardan asılı olacaq”, – tərəfdarlardan biri açıqlamasında deyib.