Tiflisdə 26 may – Gürcüstanın Müstəqillik Günündə minlərlə vətəndaş “xarici agentlər” haqqında qanuna qarşı etiraz aksiyasına çıxıblar.
AzerTimes xəbər verir ki, minlərlə insan Tiflisin mərkəzində Melikişvili prospekti ilə yürüş etmək üçün toplaşıb.
Mayın 26-da qeyd olunan Müstəqillik Günü münasibətilə keçirilən mitinqdə prezident Salome Zurabişvili və baş nazir İrakli Kobaxidze “xarici agentlər” haqqında qanunla bağlı mübahisələr fonunda bir-birlərini milli maraqlara xəyanətdə ittiham ediblər.
Qeyd edək ki, mayın 14-də Gürcüstan parlamenti “xarici agentlər” haqqında qanunu qəbul edib. Prezident Salome Zurabişvili buna veto qoyub, lakin parlamentin bunu ləğv etmək imkanı var.