Tehran Prokurorluğu iki jurnalistə qarşı SEPAH üzvləri tərəfindən öldürülən etirazçı yeniyetmə Nika Şakərəmi barədə məlumat dərc etdiklərinə görə cinayət ittihamı elan edib.
AzerTimes xəbər verir ki, bu barədə insan haqları fəalları məlumat yayıb.
Bildirilib ki, “Meydani azadi” dərgisinin baş redaktoru Hadi Kəsayizadə və jurnalist Əsəl Dadaşlı “kiberməkanda yalan məlumat yaymaq”da günahlandırılıblar.
Qeyd edək ki, Nika Şakərəmi 20 sentyabr 2022-ci il gecə saatlarında Tehranın Keşavərz bulvarında yoxa çıxıb. Sentyabrın 30-da isə valideynləri Tehranın Kəhrizək həbsxanasında onun meyitini aşkar ediblər. SEPAH zabitlərinin gizli iclasının yayılan səs yazısında Nika Şakərəminin məmurlar tərəfindən cinsi zorakılığa məruz qaldıqdan sonra işgəncə altında öldürüldüyü bildirilib.