İran Rusiya ilə müharibədə fəal şəkildə istifadə etdiyi PUA istehsalı sahəsində əməkdaşlığa dair gizli danışıqları davam etdirir.
AzerTimes xəbər verir ki, bu barədə “Voll Strit Jurnal” məlumat yayıb.
Məlumata görə, yanvarın əvvəlində İranın yüksək səviyyəli nümayəndə heyəti PUA istehsalı üçün yeni zavodun tikintisinə razılıq vermək məqsədilə Rusiyaya səfər edib. Səfər çərçivəsində İran rəsmiləri Yelabuqa şəhərində (Tatarıstan Respublikası-red) gələcək obyektin tikinti sahəsinə baxış keçiriblər. Tərəflər yeni zavodda ən azı 6 min pilotsuz təyyarə istehsal etməyi planlaşdırır.