Tehran məhkəməsi SEPAH-ın Qüds qüvvələrinin keçmiş komandiri Qasım Süleymaninin öldürülməsi ilə bağlı 3 iclas keçirdikdən sonra yekun qərar çıxarıb.
AzerTimes xəbər verir ki, bu barədə İran mediası məlumat yayıb.
Qərara əsasən, ABŞ hökuməti və bu ölkənin 41 digər fiziki və hüquqi şəxsi Qasım Süleymaninin ölümündəki rollarına görə 49 milyard 770 milyon dollar təzminat ödəməyə məhkum ediliblər.
Həmçinin, məhkəmə ABŞ hökumətinin və digər müttəhimlərin rəsmi üzr istəməsi, onu qəzetlərdən birində dərc etməsi ilə bağlı qərar çıxarıb.
Qeyd edək ki, Qasım Süleymani 2020-ci il yanvarın 3-ə keçən gecə, ABŞ pilotsuz təyyarəsindən endirilən dəqiq raket zərbələri nəticəsində Bağdad aeroportunda öldürülüb.