İran sözdə yumuşalma göstərsə də, əməldə biz bunu görmürük. Əməli addımlar üçün İran ermənilərə dəstək verməkdən əl çəkməli, Azərbaycanın iç məsələlərinə qarışmamalıdır.
Bu sözləri AzerTimes-a güneyli araşdırmaçı-yazar Məhəmməd Rəhmanifər İran və Azərbaycan XİN-in diplomatik münasibətləri inkişaf etdirməklə bağlı apardıqları söhbəti şərh edərkən deyib.
O qeyd edib ki, İran Azərbaycanı qarşısına ala bilməz:
“Bunun Güney Azərbaycanda əks-reaksiyalar doğuracağını anlayır. Güney Azərbaycan məsələsi İranın əsas problemi hesab olunur. Problem İranın öz sərhədlərinin içindədir. Buna görə də İran heç vaxt Azərbaycanla xoş münasibətlər qura bilməyəcək”.