10-11 may tarixlərində İstanbulda Türkiyə rəsmilərinin Ukrayna, Rusiya və BMT nümayəndələri ilə ikitərəfli və çoxtərəfli görüşləri keçiriləcək.
AzerTimes xəbər verir ki, bu barədə Türkiyə Müdafiə Nazirliyinin mətbuat xidməti məlumat yayıb.
“Dünya ərzaq təminatı və təhlükəsizliyi üçün mühüm əhəmiyyət kəsb edən taxıl dəhlizinin sürətli, təhlükəsiz və səmərəli fəaliyyətini təmin etmək məqsədilə sazişin uzadılması müzakirə olunacaq”, – nazirlik bildirib.
Həmçinin, tərəflərin müharibə səbəbindən Ukrayna limanlarında ilişib qalan Türkiyə gəmiləri və ekipajlarının geri qaytarılması üçün təxliyə planının hazırlanması məsələsini qaldıracağı gözlənilir.