Paytaxtın Nigar Rəfibəyli küçəsində (Fəvvarələr meydanı) yeni obyektin tikintisi ilə bağlı görüntülər yayılıb.
AzerTimes xəbər verir ki, görüntülər sosial şəbəkə istifadəçiləri tərəfindən narazılığa səbəb olub.
Bakı Şəhər Memarlıq və Şəhərsalma Baş İdarəsi məsələ ilə bağlı yaydığı açıqlamada tikinti işlərinin artıq dayandırıldığını bildirib:
“Məlumat üçün bildiririk ki, Azərbaycan Respublikası Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən Nigar Rəfibəyli küçəsində (Fəvvarələr meydanı) şəhərsalma nəzarəti qaydasında monitorinq zamanı heç bir razılıq olmadan tikinti işlərinin aparıldığı müəyyən edilərək dərhal dayandırılıb”, – məlumatda qeyd olunub.