Tanınmış vəkil Elçin Sadıqov barəsində Vəkillər Kollegiyası tərəfindən intizam icraatı başlanılıb.
AzerTimes xəbər verir ki, bu barədə Elçin Sadıqov Feysbuk səhifəsində özü məlumat yayıb.
“Vəkillər Kollegiyası yenə bizə qarşı siyasi repressiyanı davam etdirir. Gördülər ki, saxta cinayət işi ilə bir şey alınmır, indi də Eynulla Fətullayevin eyni məzmunlu şikayəti əsasında barəmdə intizam icraatı başlanıb. Halbuki Eynullanın şikayəti üzrə biz vəkil müştəri münasibətində olmamışıq.
Hazırda insan hüquqlarını müdafiə edən digər vəkillərə qarşı da əsassız intizam icraatları var. Ümid edirəm ki, bunların qarşısı alınacaq və biz öz peşə fəaliyyətimizi müstəqil icra edə biləcəyik”, – o bildirib.