Tanınmış xəbər aparıcısı Nigar Mahmudova uzun fasilədən sonra yenidən Azərbaycan efirində olacaq.
AzerTimes xəbər verir ki, bu barədə Xəzər TV-nin rəhbəri, xalq artisti Murad Dadaşov sosial şəbəkə hesabında yazıb.
O bildirib ki, N.Mahmudova televiziyada aparıcılıq edəcək:
“Artıq bir müddətdir bizimlə birgə olan Nigar Mahmudova, bu gündən xəbər spikeri kimi efirimizdə olacaq. İnkişaf xəttini özü üçün prioritet seçən “Xəzər Media Mərkəzi” qarşınıza daima yeniliklərlə gələcək. Nigar Mahmudovanı aramızda görməkdən çox məmnunuq və bərabər çıxdığımız yolda Azərbaycan adına daim uğurlu işlərə imza atacağımıza inanırıq!”