Finlandiyalı iş adamı Andres Viklof saatda 50 kilometrlik sürət həddi təyin olunan yolda avtomobili ilə 82 km/saatla hərəkət etdiyi üçün təxminən 121 min avro cərimə olunub.
AzerTimes xəbər verir ki, bu barədə Finlandiyanın “Nya Aaland” nəşri məlumat yayıb.
Bildirilib ki, bu kimi cərimələr xətanı törətmiş şəxsin gəlirinə görə müəyyən edildiyi üçün Viklofa böyük məbləğdə cərimə yazılıb.
Finlandiyanın Aaland adalarına yaşayan Viklof məsələ ilə bağlı açıqlamasında törətdiyi əmələ görə çox peşman olduğunu bildirib.
O, bundan öncə də yol hərəkəti qaydasının pozulmasına görə yüksək məbləğdə cərimə ödəmək məcburiyyətində qalmışdı.