Şotlandiyanın ilk (baş – red.) naziri xanım Nikola Sterjenə hökumətinin qərargahını satmaq imkanını nəzərdən keçirmək təklif olunub.
Trend xəbər verir ki, bu 20-ci əsrdə tikilmiş binanın ətraf mühitə uyğun olmaması ilə izah olunur. Qeyd olunur ki, tarixi əhəmiyyətə malik ərazidə enerjiyə qənaət edən texnologiyalar tətbiq etmək çox baha başa gəlir.
Ekspertlərin hesablamalarına görə, binanı ətraf mühitə ziyan vurmayan istilik təchizatı sisteminə uyğunlaşdırmaq 5,8 milyon funt-sterlinqə başa gələcək. Onlar birinci nazirə başqa bir variant – Edinburqdakı yeni ofisə köçməyi təklif edib.